اسلام آباد(پاکستان پوائنٹ نیوز08۔نومبر۔2016ء) سفارتکاری دی آڑ وچ تخریب کاری کرن والے 3بھارتی سفارتکاراں نوں پاکستان توں بے دخل کر دِتا گیا جدکہ ہور 5واہگہ دے رستے کل واپس گھلے جان گے۔
سفارتی سٹاف دے روپ وچ پاکستان وچ تخریب کاری کرن والے 8بھارتی سفارت کاراں وچوں 3نوں پاکستان توں بے دخل کر دِتا گیا اے جدکہ ہور 5واہگہ دے رستے کل واپس گھلے جان گے۔
بھارتی اہلکاراں نوں سویرے 9وجے اسلام آباد توں اُڈان نمبر ای کے 613 دے ذریعے دبئی دے رستے واپس گھلیا گیا۔ بھارتی ہائی کمیشن دے ناپسندیدا قرار دِتے گئے 8وچوں تن اہلکار فرسٹ سیکرٹری کمرشل انوراگ سنگھ، وجے کمار ورما تے
مدھوان نندکمار بھارت چلے گئے نیں۔
پاکستان نے سفارتی آداب دی خلاف ورزی تے ملک دی سالمیت خلاف کم کرن والے 8سفارت کاراں نوں ناپسندیدا قرار دِتا سی۔
پاکستان ولوں جہڑے بھارتی سفارت کاراں نوں ناپسندیدا قرار دِتا گیا اوہناں وچ راجیش کمار راگنی ہوتری، بلبیر سنگھ، انوراگ سنگھ، امردیپ سنگھ بھٹی، دھرمیندرا، وجے کمار ورما، مادھون نند اکمار تے جیابالن شامل نیں۔
یاد رہوے کہ کجھ مہینے پہلے بلوچستان توں ”را“ دا افسر کل بھوشن یادیو وی پھڑیا گیا سی جہنوں مسلمان ہون دی حیثیت نال بھارتی پاسپورٹ جاری کیتا گیا سی تے اوہدے پاسپورٹ اُتے ایران دا ویزا وی سی۔