اسلام آباد(پاکستان پوائنٹ نیوز07۔نومبر۔2016ء) سپریم کورٹ وچ پاناما لیکس اُتے دائر درخاستاں دی سنوائی دے دوران سپریم کورٹ وچ عوامی مسلم لیگ دے سربراہ شیخ رشید دی تعریف وی کیتی گئی۔
تفصیل دے مطابق سپریم کورٹ وچ پاناما لیکس دی سنوائی دے دوران پی ٹی آئی ترجمان نعیم الحق تے عوامی تحریک دے رہنما خرم نواز گنڈاپور وچکار سپریم کورٹ دے احاطے وچ ہون والے جھیڑے دا ذکر وی ہویا جہدے اُتے جسٹس آصف سعید کھوسہ دا کہنا سی کہ اسیں ویکھ رہے ساں، جھیڑا ہون
توں شیخ رشید نے بچالیا، نہیں تے جھیڑا ہون ای لگا سی۔
ایس موقع اُتے شریف فیملی دے وکیل سلمان بٹ نے سپریم کورٹ دے احاطے وچ سیاسی رہنماواں دی میڈیا نال گل بات کرن اُتے پابندی عائد کرن دی استدعا کیتی جہنوں چیف جسٹس نے رَد کر دے ہوئے آکھیا کہ ساڈے ملک دا میڈیا ذمے وار اے، چیف جسٹس نے ہور آکھیا کہ میڈیا دا ذکر کر کے تُسیں ساڈی دُکھدی رگ اُتے ہتھ رکھ دِتا اے، سارے لوک پڑھے لکھے نیں، اوہناں نوں احساس کرنا چاہیدا کہ معاملہ عدالت وچ اے۔