پنجاب دے اُتلے علاقیاں وچ ڈاڈھی دھند، سردی ودھ گئی

اسلام آباد(پاکستان پوائنٹ نیوز05۔نومبر۔2016ء) محکما موسمیات نے آکھیا اے کہ دھوڑ والی دھند دا سلسلا ہور 6 دن برقرار رہوے گا، خیبر پختونخوا دے پہاڑاں وچ برف باری، اُتلے علاقیاں وچ ہلکی بارش پاروں سردی ودھ گئی۔

آن والے 10دِن بارش دا امکان نہیں۔ ملک دے کئی علاقیاں وچ خشک سردی دی شدت وچ وادھا ہوگیا۔ پہاڑاں اُتے برف باری تے اُتلے پنجاب تے سندھ وچ دھند پاروں ٹریفک دی آوا جاوی متاثر ہوگئی۔

محکما موسمیات

داکہنا اے کہ پنجاب دے میدانی علاقیاں وچ دھوڑ والی دھند دا سلسلا ہور اک ہفتے تیکر جاری رہن دا مکان اے۔

پنجاب دے کئی علاقیاں وچ سویر تے رات نوں آن والے دھند نے ڈرائیوراں نوں اوکڑاں وچ پا دتا اے۔ پنجاب وچ ملتان، چیچہ وطنی، گوجرانوالا تے جہانیاں نال جُڑے علاقیاں وچ ڈاڈھی دھند پاروں سردی ودھ گئی۔

اودھر محکما موسمیات دا کہنا اے کہ آن والے 24گھنٹیاں دے دوران ملک دے کئی علاقیاں وچ موسم خشک رہوے گا۔