وزیراعظم عمران خان تے بل گیٹس وچکار ٹیلی فونک رابطہ پولیو دے خاتمے اُتے بل گیٹس دا وزیر اعظم نوں خراج تحسین،گل بات30منٹ تیکر جا رہی
اسلام آباد(پاکستان پوائنٹ نیوز05۔دسمبر۔2018ء) وزیراعظم عمران خان تے بل گیٹس وچکار ٹیلی فونک رابطہ ہویا اے۔ میڈیا رپورٹس دے مطابق وزیر اعظم عمران خان تے بل گیٹس وچکار 30منٹ تیکر ٹیلی فون اُتے گل بات ہوندی رہی۔
ایس دوران وزیر اعظم دے معاون برائے انسداد پولیو بابر عطا وی موجود سن۔ بل گیٹس نے وزیر اعظم عمران خان نوں الیکشن جِتن تے عہدہ سنبھالن اُتے مبارکباد دتی۔
بل گیٹس نے پولیو دے خاتمے وچ کیتیاں جان والیاں کوششاں اُتے وزیر اعظم عمران خان نوں سلاہیا ۔پاکستان وچ آئی ٹی دے شعبے نوں ہور ودھوتری دین اُتے وی دوناں رہنماواں وچکار وچار وٹاندرا ہویا۔
بل گیٹس ولوں کئی شعبیاں وچ پاکستان نال تعاون جاری رکھن بارے وی گل بات ہوئی۔ایس موقعے اُتے وزیراعظم عمران خان نے بل گیٹس دا سماجی شعبے وچ تعاون اُتے شکریہ ادا کیتا۔