راولپنڈی(پاکستان پوائنٹ نیوز23۔نومبر۔2018ء) چیف آف آرمی سٹاف جنرل قمر جاوید باجوہ نے 11دہشت گراں دی سزائے موت دی توثیق کر دتی اے۔
دہشت گرداں نوں فوجی عدالتاں نے موت دی سزا سُنائی سی،22دہشت گرداں نوں دتیاں گئیاں سزاواں دی وی توثیق کیتی گئی اے۔
آئی ایس پی آر دے مطابق آرمی چیف جنرل قمر جاوید باجوہ نے 11دہشت گرداں دی سزائے موت دی توثیق کر دتی اے۔ دہشت گرداں نوں فوجی عدالتاں نے سزائے موت دی سزا سُنا ئی سی۔
دہشت گرداں نے عدالت ساہمنے جرم وی قبول کیتا۔ دہشت گرداں کولوں اسلحہ تے بارودی برآمد ہویاسی۔ آرمی چیف نے 22دہشت گرداں نوں مختلف سزاواں دین دی وی توثیق کیتی اے۔
دسیا گیا اے کہ دہشت گرد تعلیمی تے قانون نافذ کرن والے اداریاں اُتے حملیاں وچ وی ملوث سن۔دہشت
گرداں نے 25سکیورٹی اہلکاراں تے شہریاں نوں شہید کیتا سی۔
ایس توں وکھ اج آرمی چیف جنرل قمر جاوید باجوہ نے ملتان گیریژن دا دورہ کیتا۔ ایس موقعے اُتے آرمی چیف نے آرمر فارمیشن دیاں مشقاں وی ویکھیاں۔
جنرل قمر جاوید باجوہ نے آکھیا کہ شدت پسندی دے خلاف آپریشنز مگروں استحکام لئی آپریشنز ہو رہے نیں۔ دہشت گردی تے شدت پسندی دے خلاف جنگ اجے ختم نہیں ہوئی۔
آرمی چیف نے آکھیا کہ شرپسند عناصر تے غیر ملکی طاقتاں نال لڑ رہے نیں۔ اوہناں دا کہنا سی کہ مذہبی یاں لسانی بنیاداں اُتے فساد دی کوشش کامیاب نہیں ہون دیواں گے۔
آرمی چیف نے آکھیا کہ امن، ترقی تے استحکام قانون دی پاسداری نال ای ممکن اے۔ سماجی تے اقتصادی ترقی دیاں کوششاں دی حمایت کراں گے۔