اسلام آ باد(پاکستان پوائنٹ نیوز10۔نومبر۔2018ء) سپریم کورٹ نے ڈی جی نیب لاہور خلاف جعلی ڈگری کیس ڈی لسٹ کر دتا۔ تفصیل مطابق سپریم کورٹ نے ڈی جی نیب لاہور دی جعلی ڈگری اُتے کل ایکشن لیا سی۔
چیف جسٹس نے جعلی ڈگری کیس سنوائی لئی مقرر وی کر دتا سی ۔ میڈیا رپورٹس مطابق سپریم کورٹ وچ چیف جسٹس ثاقب نثار دی سربراہی وچ تن رکنی بنچ بنا یا گیا سی۔
تن رکنی بنچ نے 12نومبر نوں کیس دی سنوائی
کرنی سی۔پر ہن سپریم کورٹ نے ڈی جی نیب لاہور شہزاد سلیم خلاف جعلی ڈگری کیس ڈی لسٹ کر دتا۔
کیس ڈی لسٹ کیتے جان بارے سپریم کورٹ نے متعلقہ وکیلاں تے ایڈووکیٹ جنرل نوں آن ریکارڈ وی دس دتا اے۔ یاد رہوے کہ اپوزیشن جماعتاں نے ڈ ی جی نیب لاہور شہزاد سلیم دی جعلی ڈگری دا معاملا چُکیا ۔
اوہناں نے متعلقہ اداریاں توں منگ کیتی سی کہ ڈی جی نیب دی جعلی ڈگری دا نوٹس لیا جائے۔