شہباز شریف دی قومی اسمبلی دی رکنیت ختم کرن لئی قرار داد اسمبلی سیکرٹریٹ وچ جمع
لاہور(پاکستان پوائنٹ نیوز23۔اکتوبر۔2018ء) پاکستان تحریک انصاف دی رکن پنجاب اسمبلی مسرت جمشید چیمہ نے پچھلے وزیراعلا پنجاب شہباز شریف دی قومی اسمبلی دی رکنیت ختم کرن لئی اِک قرار داد اسمبلی سیکرٹریٹ وچ جمع کروا دِتی اے جیہدے وچ اوہناں نے موقف اختیار کیتا اے کہ شہباز شریف نے قومی اسمبلی دے اجلاس وچ پیش
ہو کے ایہ جھوٹھ بولیا سی کہ نیب نے اوہناں نُوں ن لیگی رہنما خواجا آصف خلاف وعدا معاف گواہ بنن دی پیشکش کیتی سی۔
قرار داد وچ کہیا گیا کہ شہباز شریف کیوں جے قومی اسمبلی دے مقدس ایون وچ جھوٹھ بولن دے مرتکب پائے گئے نیں تے اوہ صادق تے امین نہیں رہے۔ایس لئی اوہناں دی اسمبلی رکنیت ختم کیتی جائے۔