اسلام آباد(پاکستان پوائنٹ نیوز11۔اکتوبر۔2018ء) حکومت ولوں اعلان کیتی گئی ’نیا پاکستان ہاؤسنگ سکیم‘ وچ لوکائی نے بھرپور دلچسپی ظاہر کیتی اے، پہلے دن، پہلے ای گھنٹے وچ نادرا دی ویب سائٹ، فارم ڈاؤن لوڈ کرن دے رش پاروں کریش کر گئی، جیہدے مگروں اوہنوں بحال کیتا گیا۔
نادرا ترجمان مطابق پروگرام نادرا ویب سائٹ اُتے لانچ
ہوندے ای 174ملکاں توں 2لکھ لوکاں نے اِکو ویلے رسائی حاصل کیتی۔
اک سکینڈ وچ 10ہزار بٹس موصول رہی رہیاں نیں جیہدے اُتے ویب سائٹ عارضی متاثر ہوئی۔ ترجمان مطابق نادرا ویب سائٹ ہن معمول مطابق کم کر رہی اے۔
پہلے ای گھنٹے وچ 62ہزار فارم ڈاؤن لوڈ کیتے گئے۔ ترجمان نادرا مطابق ’نیا پاکستان ہاؤسنگ سکیم‘ پائلٹ فیز اے۔