حیدر آباد(پاکستان پوائنٹ نیوز04۔اکتوبر۔2018ء) حیدر آباد دے اک تھانے وچ علی ہنگورو نامی اک بندے نے ساتھیاں سنے دھاوا بول دتا۔
تفصیل مطابق علی ہنگورو نے ساتھیاں سنے حیدر آباد دے مکی شاہ تھانے اُتے دھاوا بولیا۔ پولس دے پُچھن اُتے علی ہنگورو نے آکھیا کہ مینوں پولیس نوں ٹھیک کر ن دا ٹھیکا ملیا اے۔
علی ہنگورو نے تھانے وچ کھڑے ہو کے سگریٹ پیتا۔ پولیس نے اپنے آپ نوں پاکستان تحریک انصاف دا رہنما آکھن والے علی ہنگورو نوں تھانے وچ
سگریٹ پین توں منع کیتا تے علی ہنگورو دا آکھنا سی کہ میں سگریٹ ای پر رہیا واں، چرس تے نہیں پی رہیا۔
علی ہنگورو نے کار حادثے وچ گرفتار اک بندے نوں چھڈوان تے اپنا اثرو رسوخ استعمال کرن دی کوشش کیتی۔ میڈیا اُتے علی ہنگورو دی پولیس اہلکاراں نال تلخ کلامی دی ویڈیو ساہمنے آئی تے سوشل میڈیا ورتیندڑاں نے حکومت نوں تنقید دا نشانہ بنایا تے آکھیا کہ پی ٹی آئی نے وی پچھلیاں حکومتاں وانگ غنڈہ گردی دا سہارا لینا شروع کر دتا اے۔