مریم نواز دا پارلیمانی سیاست وچ آن دا فیصلا مریم نواز حلقہ این اے 127توں الیکشن وچ حصہ لین گیاں

لاہور(پاکستان پوائنٹ نیوز20۔ستمبر۔2018ء) مریم نواز نے پارلیمانی سیاست وچ آن دا فیصلاکیتا اے۔مریم نواز حلقہ این اے 127توں الیکشن وچ حصہ لین گیاں ۔

میڈیا رپورٹس مطا بق سابق وزیر اعظم میاں نواز شریف دی دھی مریم نواز نے پارلیمانی سیاست وچ آن دا فیصلا کرلیا ۔ ایس مقصد لئی مریم نواز لاہور دے حلقہ این اے 127توں ضمنی الیکشن وچ حصہ لین گیاں۔

مریم نواز نے جیل جان توں پہلاں وی ایسے حلقے توں الیکشن لڑن دا فیصلا کیتا سی پر سزا مگروں مریم نواز دی تھاں کوورنگ امیدوار علی پرویز نوں ٹکٹ دے دتا گیا۔

علی پرویز ملک رکن قومی اسمبلی پرویز ملک و ایم این اے شائستہ پرویز ملک دے پُتر نیں تے ایسے حلقے توں رکن قومی اسمبلی چُنے گئے سن۔

پتا چلیا اے کہ علی پرویز ملک

ایس سیٹ توں استعفا دے دین گے ،جیہدے مگروں مریم نواز ایس حلقے توں الیکشن وچ حصہ لین گیاں۔

یاد رہوے کہ پچھلے دیہاڑے اسلام آباد ہائی کورٹ نے سابق وزیر اعظم نواز شریف، اوہناں دی دھی مریم نواز تے داماد کیپٹن (ر)صفدر دی سز ا معطل کردے ہوئے اوہناں نوں رہا کرن دا حکم جاری کیتا سی۔

عدالت نے ایس موقعے تے نواز شریف، مریم نواز تے کیپٹن (ر) صفدر نوں 5,5لکھ رُپئے دے ضمانتی مچلکے وی جمع کروان دا حکم دتاسی۔

جیہدے مگروں کوئی رات دے 8وجے میاں نواز شریف، مریم نواز تے کیپٹن (ر) صفدر اڈیالا جیل توں جہاز راہیں لاہور ائر پورٹ اپڑے جتھے کارکناں نے اوہناں دا چاہواں نال استقبال کیتا۔

جیہدے بعد نواز شریف، مریم نواز تے کیپٹن (ر) صفدر جاتی امرا چلے گئے سن۔