میں تحریک انصاف دا ای نہیں پورے پاکستان دا صدر آں:عارف علوی پاکستان دی بہتری لئی کم کرنا چاہنا واں، میں عمران خان تے اپنی پارٹی دا شکر گزار آں،پارٹی ورکراں دی محنت پاروں اج ایس مقام اُتے اپڑیا، لوکائی دی خدمت کرن دی کوشش کراں گے:جت مگروں میڈیا نال گل بات

اسلام آباد(پاکستان پوائنٹ نیوز04۔ستمبر۔2018ء) پاکستان دی بہتری لئی کم کرنا چاہنا واں، میں عمران خان تے اپنی پارٹی دا شکر گزار آں،پارٹی ورکراں دی محنت پاروں اج ایس مقام اُتے اپڑیا، لوکائی دی خدمت کرن دی کوشش کراں گے، پاکستان تحریک انصاف دا سنیہا (پیغام)حکومت دا سنیہا بن گیا اے۔

تفصیل مطابق پاکستان تحریک انصاف ولوں نامزد صدر نے اپنی جت مگروں پہلی وار میڈیا نال گل بات کردے ہوئے آکھیا کہ پاکستان دی بہتری لئی کم کرنا چاہنا واں۔

میں عمران خان تے اپنی پارٹی دا شکر گزار آں۔پارٹی ورکراں دی محنت پاروں اج ایس مقام اُتے اپڑیا۔اوہناں دا کہنا سی کہ لوکائی دی خدمت کرن دی کوشش کراں گے۔

پاکستان تحریک انصاف دا سنیہا (پیغام)حکومت دا

سنیہا بن گیا اے۔عارف علوی دا کہنا سی کہ میں صرف تحریک انصاف دا ای نہیں بلکہ پورے پاکستان دا صدر آں۔

میں شکریہ ادا کرنا واں اپنے ورکراں دا جو ساڈے لئی جاناں دیندے نیں ۔اوہناں دا کہنا سی کہ میں اتحادی جماعتاں دا وی منتخب کرن اُتے شکریہ ادا کرنا واں۔

میڈیا نال گل بات کردے ہوئے عارف علوی دا کہنا سی کہ ہر بندے نوں روٹی ملنی چاہیدی، بیماراں دا علاج ہونا چاہیدا، سکول نہ جان والے بالاں نوں وی تعلیم ملنی چاہیدی ، ایہو ساڈا آئین آکھدا اے تے ایس حوالے نال جتھے میری ضرورت پئے گی میں اوتھے کم کراں گا۔

اک سوال دے جواب وچ اوہناں دا کہنا سی کہ سکیورٹی تے پروٹوکول وچ فرق اے، سکیورٹی جائز اے پروٹوکول نال لوک تنگ ہوندے نیں۔