لاہور(پاکستان پوائنٹ نیوز20۔اگست۔2018ء) قومی اخبار دی اک رپورٹ وچ دسیا گیا اے کہ ایوان صدر وچ وزیر اعظم دی تقریب حلف برداری وچ صدر مملکت ممنون حسین دی گھر والی دے نہ ہون دی وجہ توں نویں خاتون اول بشری بی بی دا خیرمقدم محل دے عملے دیاں سوانیاں تے صدر مملکت دے اے ڈی سی نے کیتا۔
بشری بی بی تقریب شروع ہون توں دس منٹ پہلاں ای آڈیٹوریم وچ اپڑیاں جتھے تقریب ہوئی۔ہتھیار بند فوجاں(مسلح افواج) دے سربراہواں سنے سارے پروہنے اودوں تیکر اپنی سیٹاں
اُتے بہ گئے سن۔
بشری بی بی دے احترام وچ اگلیاں صفاں وچ موجود پروہنے کھلو گئے۔ پاک فوج دے سربراہ جنرل قمر جاوید باجوہ نے کھلو کے بشری بی بی نوں سلیوٹ کیتا تے اوہناں نوں ہدیہ تبریک پیش کیتا۔
جنرل باجوہ دی گھر والی پہلی سوانی سی جیہنے بشری بی بی نال ہتھ ملایا تے اوہناں نوں مبارکباد دتی۔ایہ وی دسیا گیا اے کہ نویں چُنے گئے وزیر اعظم عمران خان دی تقر یب حلف برداری دوران خاتون اول بشری بی اکھاں بند کر کے ورد کردیاں رہیاں۔