اسلام آباد(پاکستان پوائنٹ نیوز17۔اگست۔2018ء) 35ارب رُپئے دی منی لانڈرنگ سکینڈل وچ اہم پیش رفت ساہمنے آئی اے۔ بینکنگ کورٹ نے سابق صدر آصف علی زرداری دے ناقابل ضمانت وارنٹ گرفتاری جاری کر دتے نیں ۔
آصف علی زرداری نوں گرفتار کرن دا حکم وی دتا اے۔بینکنگ کورٹ دا اپنے حکم وچ کہنا سی کہ سابق صدر آصف علی زرداری نوں 4ستمبر تیکر گرفتار کیتا جائے۔
ایس توں وکھ عدالت نے سارے مفرور ملزماں نوں گرفتار کرن دا حکم دتا اے۔ مفرور ملزماں وچ نمر مجید، اسلم مسعود، عارف
خان تے ہور دے وارنٹ گرفتاری جاری کیتے گئے نیں۔
ملزماں اُتے بوگس اکاؤنٹس راہیں منی لانڈرنگ کرن دا الزام اے۔ جدکہ آصف علی زرداری دی بھین فریال تالپور منی لانڈرنگ وچ ضمانت اُتے نیں۔
چیتے رہوے کہ پچھلے دیہاڑے سابق صدر آصف علی زرداری نوں مفرور ملزم قرار دتا گیا سی۔ جعلی بنک اکاؤنٹس توں منی لانڈرنگ سکینڈل وچ پاکستان پیپلز پارٹی دی رہنما فریال تالپور بیکنگ وچ پیش ہوئیاں سن۔
فریال تالپور دی عبوری ضمانت وچ 4ستمبر تیکر توسیع دتی گئی سی۔