مشہور پرچا کار حامد میر جیو تے جنگ گروپ چھڈ گئے 17ورھے جیو تے جنگ گروپ نال جُڑے رہے، سینئر پرچا کار نے جی این این گروپ نوں بطور صدر جوائن کر لیا
اسلام آباد( پاکستان پوائنٹ نیوز10۔اگست۔2018ء ) مشہور و سینئر پرچا کار حامد میر نے جیو تے جنگ گروپ چھڈ دتا، حامد میر 17ورھے جیو تے جنگ گروپ نال جُڑے رہے، سینئر پرچا کار نے جی این این گروپ نوں بطور صدر جوائن کر لیا۔
تفصیل مطابق پاکستانی میڈیا دے حوالے نال جمعے دے دیہاڑے بہت وڈی خبر ساہمنے آئی۔ مشہور و سینئر پرچا کار حامد میر 17ورھیاں تیکر جیو تے جنگ گروپ نال جُڑے رہے۔
پر ہن سینئر پرچا کار حامد میر نے جی این این
گروپ نوں بطور صدر جوائن کر لیا اے۔ ایس حوالے نال کئی تصویراں وی اج ساہمنے آئیاں۔
پر حامد میر نے ایس حوالے نال اجے تیکر کوئی وضاحتی بیان جاری نہیں کیتا۔ حامد میردے ایس ممکنہ فیصلے نوں جنگ گروپ لئی بہت وڈا جھٹکا قرار دتا جا رہیا اے۔
اطلاع اے کہ حامد میر توں وکھ جیو تے جنگ گروپ دے ہور پرچا کار وی ادارے نوں چھڈ گئے نیں۔ چھڈن والے پرچا کاراں وچوں کُجھ جی این این تے کُجھ ہور میڈیا گروپس جوائن کر چکے نیں۔