عمران خان اگلے مہینے امریکا دے دورے اُتے جان گے دورے دوران عمران خان پہلی وار اقوام متحدہ دی جنرل اسمبلی نال خطاب کرن گے
لاہور( پاکستان پوائنٹ نیوز07۔اگست۔2018ء ) عمران خان اگلے مہینے امریکا دے دورے اُتے جان گے۔عمران خان پہلی وار اقوام متحدہ دی جنرل اسمبلی نال خطاب کرن گے۔
تفصیل مطابق عمران خان دی جماعت تحریک انصاف پہلی وار حکومت بنا رہی اے۔تے عمران خان پہلی وار بطور وزیر اعظم امریکا جان گے۔
عمران خان ایس دوران اقوام متحدہ دی جنرل اسمبلی نال پہلی وار خطاب وی کرن گے۔ ایس حوالے نال ہور دسیا گیا اے کہ عمران خان ایس موقعے تے کئی عالمی رہنماواں
نال ملاقاتاں کرن گے۔
عمران خان چینی ، ایرانی، افغانی صدر تے بھارتی وزیرا عظم نریندری مودی نال ملاقاتاں کرن گے۔ چیتے رہوے کہ ہن تیکر دیاں اطلاعواں مطابق پاکستان تحریک انصاف ولوں حکومت بنان دا عمل جاری اے۔
ایس حوالے نال اتحادیاں نال وی گل با ت کیتی جا رہی اے۔ ایس ویلے پاکستان تحریک انصاف دیاں قومی اسمبلی دیاں سیٹاں دی گنتی 126اے جیہدے مطابق تحریک انصاف ہن آزاد امیدوارں نوں رلاکے مرکز وچ حکومت بنان دی پوزیشن وچ اے۔