کراچی( پاکستان پوائنٹ نیوز04۔اگست۔2018ء ) کراچی دے علاقے شیر شاہ وچ سلنڈر دھماکا ہویا اے۔ تفصیل مطابق کراچی دے علاقے شیر شاہ وچ اک دُکان اندر سلنڈر دھماکا ہویا۔
سلنڈر دھماکے دے نتیجے وچ اک بندہ ہلاک تے 5زخمی ہوئے نیں۔ دھماکے دی اطلاع ملدے ای ریسکیو ٹیماں حادثے والی تھاں اپڑ گئیاں۔
ریسکیو وسیلیاں دا کہنا اے کہ سلنڈر دھماکے دے نتیجے وچ زخمی
ہون والے بندیاں نوں ڈاکٹری امداد لئی ہسپتال منتقل کیتا جا رہیا اے۔
ریسکیو وسیلیاں نے آکھیا کہ ویکھن نوں ایہو لگدا اے کہ دھماکا سلنڈر پاٹن نال ہویا۔ دھماکے نال دُکان دے باہر کھلوتیاں گڈیاں نوں وی نقصان اپڑیا۔
دھماکے مگروں سکیورٹی اہلکار وی حادثے والی تھاں اپڑ گئے ، جیہناں علاقے نوں گھیرے وچ لیندے ہوئے سرچ آپریشن شروع کر دتا۔