عمران خان لئی خطرے دی گھنٹی وج گئی عمران خان نوں وزیر اعظم بنن توں پہلاں وی آئی پی پروٹوکول دین خلاف درخاست دائر

لاہور( پاکستان پوائنٹ نیوز31۔جولائی۔2018ء ) تحریک انصاف دے سربراہ عمران خان نوں وزیر اعظم بنن توں پہلاں وی آئی پی پروٹوکول دین خلاف درخاست دائر کر دتی گئی، درخاست وچ آکھیا گیا کہ وزیر اعظم بنن توں پہلاں وی آئی پی پروٹوکول استعمال کرنا غیر قانونی اے۔

درخاست لائرز فاؤنڈیشن فار جسٹس ولوں لاہور ہائی کورٹ وچ دائر کیتی گئی اے۔ درخاست وچ وفاقی حکومت، الیکشن کمیشن آف پاکستان تے پنجاب حکومت نوں فریق بنایا گیا اے۔

درخاست وچ آکھیا گیا اے کہ وزیر اعظم بنن توں پہلاں وی آئی

پی پروٹوکول استعمال کرنا غیر قانونی اے۔ عمران خان وزیر اعظم بنن توں پہلاں ای سرکاری سہولتاں تے پروٹوکول استعمال کر رہے نیں۔

درخاست وچ بیتنی کیتی گئی کہ عدالت وفاقی حکومت نوں عمران خان کولوں وی آئی پی پروٹوکول واپس لین دا حکم دیوے۔ چیتے رہوے کہ 25جولائی نوں تحریک انصاف دے سربراہ عمران خان نوں انتخابی نتیجیے آن توں پہلاں ای وی وی آئی پی سکیورٹی دے دتی گئی سی۔

تحریک انصاف دے سربراہ عمران خان نوں وزارت داخلا ولوں بنی گالا وچ وی وی آئی پی سکیورٹی دتی گئی سی۔