(ن) لیگ دا پولنگ دا ویلا ودھان دا مطالبہ کسے وی ووٹر نوں ووٹ دے حق توں محروم نہیں رکھیا جا سکدا، سیکشن 70الیکشن کمیشن نوں پولنگ دا ویلا ودھان دا اختیار دیندا اے

لاہور( پاکستان پوائنٹ نیوز25۔جولائی۔2018ء ) پاکستان مسلم لیگ (ن) نے الیکشن کمیشن توں پولنگ دا ویلا ودھان دی منگ کر دتی، کسے وی ووٹر نوں ووٹ دے حق توں محروم نہیں رکھیا جا سکدا، سیکشن 70الیکشن کمیشن نوں پولنگ دا ویلا ودھان دا اختیار دیندا اے۔

میڈیا رپورٹس مطابق مسلم لیگ (ن) دے رہنما مشاہد حسین سید نے چیف الیکشن کمیشن نوں خط لکھیا اے،خط وچ منگ کیتی گئی اے کہ ملک بھر وچ سارے حلقیاں اندر پولنگ دا ویلا اک گھنٹہ ودھایا جائے۔

خط وچ موقف اختیار کیتا گیا کہ سارے پولنگ سٹیشن

اُتے انتخابی عمل بہت سست اے۔ ایس لئی پولنگ دا ویلا ودھایا جائے۔

تاں جے سارے ووٹر اپنا حق ورت سکن۔ اوہناں نے آکھیا کہ کسے وی ووٹر نوں ووٹ دے حق توں محروم نہیں رکھیا جا سکدا۔ سیکشن 70الیکشن کمیشن نوں پولنگ دا ویلا ودھان دا اختیار دیندا اے۔

الیکشن کمیشن توں منگ اے کہ سارے حلقیاں وچ اک گھنٹے لئی پولنگ دا ویلا ودھایا جائے۔ ایس توں وکھ مسلم لیگ (ن) دے رہنماواں نے ماڈل ٹاؤن لاہور وچ پریس کانفرنس کردے ہوئے وی ایہو منگ کیتی کہ پولنگ دا ویلا ودھایا جائے۔