کراچی( پاکستان پوائنٹ نیوز16۔جولائی۔2018ء ) کراچی دے عسکری پارک وچ پچھلے دیہاڑے اک جھولا ڈگ گیا سی، حادثے دے نتیجے وچ اک بالڑی(بچی) ہلاک تے 15توں ودھ بندے زخمی ہوئے۔
عسکری پارک دے حادثے مگروں پارک دے اک مالک دا بیان ساہمنے آ گیا اے۔ مشہور صنعتکار زبیر طفیل دے عسکری پارک وچ شیئرز نیں۔
زبیر طفیل نے نجی ٹی وی چینل نال گل بات کردے ہوئے آکھیا کہ ڈِگن والا جھولا چین توں منگوایا گیا سی۔ جھولا لان
والی چینی کمپنی دے انجینئرز نوں سد لیا گیا اے۔
چینی انجینئرز توں جھولیاں دا اک اک پرزہ چیک کروایا جائے گا۔ زبیر طفیل نے دسیا کہ ڈِگن والا جھولا صرف اک ہفتے پہلاں کھولیا گیا سی، مقامی انجینئرز مطابق اِکو ویلے 20بولٹ ٹُٹن دی آس بہت گھٹ ہوندی اے۔
حادثے وچ تخریب کاری دے عنصر دا جائزہ لے رہے آں۔ زبیر طفیل نے آکھیا کہ چینی سفارتخانے تے پاکستان انجینئرنگ کونسل نال وی رابطہ کیتا گیا اے۔