لاہور(پاکستان پوائنٹ نیوز۔30ستمبر 2016) ترجمان پنجاب حکومت زعیم قادری نے کہیا اے کہ حکومت دی توجا ملکی دفاع تے بھارتی اشتعال انگیزی اُتے اے‘ عمران خان اپنی فلم چلا کے توجا ہٹانا چاہندے نیں‘ رائیونڈ وچ سیاسی سرکس نُوں بھرویں سیکیورٹی تے سہولتاں دے رہے آں۔
لاہور وچ پریس کانفرنس نال خظاب وچ زعیم قادری نے تحریک انصاف دے آگو نُوں مخاطب کردیاں
ہویاں کہیا کہ آؤ رل کے بارڈر اُتے چلیے‘ دھرنا دیے تے بھارت نُوں پیغام دیے کہ قوم اِک جان اے۔
اوہناں نے ہور کہیا کہ ضرب عضب دی کامیابی دے بعد ”را“ تے افغان ”ایجنسی ’این ڈی ایس‘ پاکستان وچ دہشتگردی کھلار رہیاں نیں‘ اج وی دہشتگردی دے خطرات نیں‘ سیکیورٹی خدشات تحریری طور اُتے عمران خان نُوں پیش کر دِتے نیں۔