عائشہ گلالئی سبھ توں غریب رہنما،الیکشن کمیشن وچ اثاثے ظاہر کر دتے

پشاور( پاکستان پوائنٹ نیوز21۔جون2018ء ) پاکستان تحریک انصاف گلالئی دی سربراہ عائشہ گلالئی نے الیکشن کمیشن وچ اپنے اثاثے ظاہر کردتے۔

عائشہ گلالئی کول کوئی گڈی، فرنیچر یاں ذاتی ورتوں دا سامان نہیں ،پاکستان تے باہرلے ملک کوئی کاروباروی نہیں اے۔

تفصیل مطابق 2018الیکشن دا سال اے۔ ملکی اداریاں نے الیکشن دی تیاری شروع کیتی ہوئی اے جدکہ الیکشن کمیشن وچ کاغذات نامزدگی جمع کروان دا سلسلا پورا ہو گیا اے، جیہدے مگروں کاغذاں دی پُن چھان کیتی جا رہی اے۔

ہر امیدوار دانوں کاغذات نامزدگی نال اپنا بیان حلفی وی جمع کروان دا آکھیا گیا ۔ہن پاکستان

تحریک انصاف گلالئی دی سربراہ عائشہ گلالئی نے الیکشن کمیشن وچ اپنے اثاثے ظاہر کردتے۔

عائشہ گلالئی کول کوئی گڈی، فرنیچر یاں ذاتی ورتوں دا سامان نہیں ۔کاغذاں مطابق پاکستان تے باہرلے ملک کوئی کاروبار وی نہیں اے۔

چیتے رہوے کہ ایس توں پہلاں شہباز شریف، عمران خان، مریم نواز ، بلاول بھٹو زرداری تے ہور رہنماواں دے اثاثیاں دیاں تفصیلاں ساہمنے آئیاں نیں۔

سابق وزیر اعلا پنجاب شہباز شریف نے کاغذات نامزدگی وچ اپنے اثاثیاں دی مالیت 15کروڑ رُپئے ظاہر کیتی جدکہ بینک اکاؤنٹس وچ مجموعی طور اُتے اک کروڑ 14لکھ رُپئے ظاہر کیتے نیں۔