لندن( پاکستان پوائنٹ نیوز15۔جون2018ء ) پچھلے دیہاڑے سابق وزیر اعظم نواز شریف دی گھر والی کلثوم نواز نوں ہارٹ اٹیک ہویا سی جیہدے مگروں اوہناں دی طبیعت بُہتی وِگڑی دسی جا رہی سی۔ ایس موقعے تے کئی سیاسی رہنماواں نے کلثوم نواز دی صحت لئی دعا کیتی اے۔ ایس بارے چیئرمین پی ٹی آئی عمران خان نے وی ٹویٹ کردے ہوئے کلثوم نواز لئی نیک خاہشاں دا اظہار کیتا اے۔ عمران خان نے اپنے ٹویٹر اکاؤنٹ راہیں ٹویٹ کردے ہوئے لکھیا اے
کہ ساڈیاں ساریاں دعاواں کلثوم نواز نال نیں۔ رب اوہناں نوں تندرستی دیوے۔
چیتے رہوے کہ بیگم کلثوم نواز نوں ہارٹ اٹیک ہویا سی ،جیہدے مگروں اوہناں دی حالت بُہتی خراب ہو گئی سی۔ خاندانی وسیلیاں مطابق بیگم کلثوم نواز نوں آئی سی یو وچ وینٹی لیٹر اُتے منتقل کر دتا گیا سی۔ دوجے پاسے سابق وزیر اعظم تے اوہناں دی دھی مریم نواز وی لندن وچ موجود نیں۔جو عید مگروں ملک واپس آن گیاں