لاہور( پاکستان پوائنٹ نیوز13۔جون2018ء ) محکمہ موسمیات شوال دے چن بارے وزارت مذہبی امور نوں تفصیلاں دین توں پرہیز کر رہیا اے، وزارت مذہبی امور نوں پہلے دسیا گیا کہ 29ویں روزے نوں چن نظر آن دی آس نہیں،کُجھ دیر بعد دسیا گیا کہ چن نظر آن دی آس اے، جیہدے اُتے وزارت مذہبی امور دا کہنا اے کہ روزے 29ہون یاں 30اسیں سارے انتظامات کر لئے نیں۔
میڈیا رپورٹس مطابق ملک بھر وچ نکی عید دیاں تیاریاں جاری نیں۔ دوجے پاسے شوال دے چن بارے کئی طرحاں دیاں خبراں آ رہیاں نیں، جیہدی وجہ توں شہریاں نوں پریشانی دا ساہمنا اے۔
محکمہ موسمیات شوال دے چن بارے وزارت مذہبی امور نوں تفصیلاں دین توں پرہیز کر رہیا اے، وزارت مذہبی امور نوں پہلے دسیا گیا کہ 29ویں روزے نوں چن نظر آن دی آس نہیں،کُجھ دیر بعد دسیا گیا کہ چن نظر آن دی آس اے، جیہدے اُتے وزارت مذہبی امور دا کہنا اے کہ روزے 29ہون یاں 30اسیں سارے انتظامات کر لئے نیں۔
چیتے
رہوے کہ ایس توں پہلاں پچھلے دیہاڑے محکمہ موسمیات ولوں آکھیا گیا سی کہ نواں چن جمعرات 14جون 2018دی شام وکھالی دین دا امکان نہ ہون دے برابر اے، ایس لئی روزے 30ہون مگروں عید 16جون نوں ہوئے گی۔
سیکرٹری جنرل رویت ہلال ریسرچ کونسل خالد اعجاز مفتی ولوں جاری بیان وچ آکھیا گیا کہ نواں چن جمعرات 14جون 2018دی شام وکھالی دین دا امکان تقریبن نہ ہون دے برابر ای اے، ایس لئی عید 16جون نوں ہوئے گی۔
بیان وچ آکھیا گیا کہ نواں چن اوس ویلے تیکر وکھالی نہیں دیندا جدوں تیکر اوہدی عمر سورج ڈُبن ویلے گھٹو گھٹ 19گھنٹے توں ودھ تے سورج ڈُبن اتے چن نکلن دا درمیانی فرق گھٹو گھٹ 40منٹ توں ودھ نہ ہو جائے۔
نواں چن 13تے14جون دی وچکارلی رات پاکستان دے معیاری ویلے مطابق 12وجکے 43منٹ اُتے پیدا ہوئے گا۔ نویں چن دی عمر 14جون نوں سورج ڈُبن ویلے پاکستان دے کسے وی شہر وچ 19گھنٹے توں ودھ نہیں ہوئے گی۔ایس لئی 30روزے پورے ہون گے ۔