سابق وزیر اعظم شاہد خاقان عباسی دا چالان ہو گیا موٹروے پولیس نے تیز سپیڈ وچ گڈی چلان اُتے چالان کیتا

اسلام آباد( پاکستان پوائنٹ نیوز11۔جون2018ء ) سابق وزیراعظم شاہد خاقان عباسی دا چالان ہوگیا۔ میڈیا رپورٹس مطابق شاہد خاقان عباسی موٹروے راہیں سفر کر رہے سن کہ تیز رفتاری اُتے موٹروے پویس نے اوہناں دا چالان کر دتا۔

موٹروے پولیس دے اہلکاراں نے سابق وزیراعظم شاہد خاقان عباسی دا ساڈھے 7سو رُپئے دا چالان کیتا۔ چالان مگروں موٹروے پولیس دے اہلکاراں نے سابق وزیر اعظم شاہد خاقان عباسی نال تصویراں بنوائیاں۔

میڈیا رپورٹ وچ دسیا گیا کہ شاہد خاقان عباسی اپنی لینڈ کروزر اُتے موٹروے راہیں سفر کر رہے سن کہ متھی سپیڈ توں ودھ سپیڈ اُتے گڈی چالان اُتے شیخوپورا نیڑے موٹروے پولیس نے اوہناں دا چالان کر دتا۔

موٹروے پولیس دا کہنا اے کہ شاہد خاقان عباسی 120کلو میٹر فی گھنٹہ دی رفتار نال جا رہے سن جیہدے اُتے اوہناں دا چالان کیتا۔

چالان کرن

اُتے شاہد خاقان عباسی نے موٹروے پولیس دے اہلکاراں دی حوصلا افزائی وی کیتی۔ اوہناں نے بغیر خوف دے خلاف ورزی اُتے اوہناں دا چالانا کیتا۔

چیتے رہوے کہ ایس توں پہلاں خیبرپختونخوا دے ٹریف پولیس اہلکار اپنی بے باکی تے آخیر کارروائیاں اُتے خبراں دی زینت بنی رہندی سی۔

کے پی کے پولیس نے ہر خاص تے عام اُتے قانون دی بالادستی نوں ترجیح تے ٹریفک قانون دی خلاف ورزی اُتے کسے وزیر دا چالان کرن یاں اپنے اعلا افسر نوں جرمانہ کرن اُتے وی نہیں گھبرائے۔

شاہد خاقان عباسی دا چالان ہون اُتے سیاسی تجزیہ کاراں نے اک چنگی گل قرار دتا اے۔اوہناں نے آکھیا کہ ساڈی سکیورٹی فورسز جدوں تیکر قانون دی خلاف ورزی کرن والیاں نوں آخیر جرمانہ نہیں کراں گے تے فیر اودوں تیکر ملک ترقی نہیں کر سکے گا تے قانون دی اُچیائی نوں یقینی نہیں بنایا جا سکے گا۔