پنڈی بوائے شیخ رشید دے مقابلے وچ الیکشن کون لڑے گا؟ مسلم لیگ (ن) دے اہم ترین رہنماواں وچکار مقابلا جاری
راولپنڈی( پاکستان پوائنٹ نیوز09۔جون2018ء ) عام انتخابات نیڑے آؤندے ای سیاسی جماعتاں نے اپنے اپنے امیدواراں نوں ٹکٹ دینے شروع کر دتے نیں۔
پچھلے دیہاڑے پاکستان تحریک انصاف نے قومی اسمبلی و صوبائی اسمبلی دیاں سیٹاں اُتے اپنے پارٹی امیدواراں دا اعلان کیتا۔
پر ہن مسلم لیگ (ن) وی پارٹی ٹکٹاں دی ونڈبارے پریشان وکھالی دے رہی اے۔ مسلم لیگ (ن) دی قیادت نوں ٹکٹاں ونڈن دے معاملے اُتے پریشانی دا ساہمنا اے۔
راولپنڈی
وچ شیخ رشید دے مقابلے وچ الیکشن کون لڑے گا، ایس بارے اجے تیکر فیصلا نہیں ہو سکیا۔ دوجے پاسے پارٹی ٹکٹ لین لئی حنیف عباسی تے دانیال عزیز وچ وی مقابلا جاری اے۔
حنیف عباسی شہباز شریف دے بہت نیڑے نیں جدکہ دانیال چودھری نوں مریم نواز دی ٹیم دا اہم حصہ قرار دتا جاندا اے۔ دوویں پاسے ایہو ویکھیا جا رہیا اے کہ پارٹی ٹکٹ کیہنوں ملدا اے۔
پارٹی ٹکٹ ونڈن بارے صلاح ہو رہی اے پر اجے کوئی حتمی فیصلا نہیں کیتا گیا۔