مشہور کالم نگار نے عمران خان بارے دلچسپ واقعہ سنا دتا الزماں دی زد وچ رہن والا عمران خان اُٹھیا، اوہنے اک کونے وچ مصلی وچھایا تے نماز لئی کھلو گیا، میں ایہ سوچ رہیا سی ایہ اوہ انسان اے جیہدے مخالف پتا نہیں ایہدے اُتے کیہڑے الزام لاؤندے نیں تے ایہ ایہناں سارے الزاماں نوں اک پاسے رکھ کے اپنے خالق ساہمنے پیش ہو جاندا اے:مشہور کالم نگار مظہر برلاس

لاہور( پاکستان پوائنٹ نیوز29۔مئی2018ء ) مشہور پرچا کار نے عمران خان نال گزاری اک شام بارے دلچسپ واقعہ سنا دتا۔ مشہور کالم نگار مظہر برلاس دا اپنے اک کالم ’عمران خان ایسا نہیں کرے گا‘ وچ کہنا اے کہ ایس ویلے سیاسی فضا عمران خان دے حق وچ اے۔

ایہ فضا دسدے ہوئے عمران خان نوں 22سال لگے۔ ایہناں 22 ورھیاں وچ کوششاں دے کئی مرحلے آئے۔ اج جو لوک تحریک انصاف وچ دھڑا دھڑ آ رہے نیں ۔

اک زمانے وچ اوہ پی ٹی آئی نوں ٹانگا پارٹی آکھدے سن۔ کیہ مکافات عمل اے اج اوہی لوک تحریک انصاف دا حصہ بنن لئی راہ لبھ رہے نیں۔

ایہو عمران خان دی کامیابی اے کہ اوہنے مخالفاں نوں ہرایا اے۔ الیکشن وچ اُترن توں پہلاں ای مخالفاں اُتے سوگ طاری اے۔

اوہناں نوں امیدوار لبھن وچ اوکڑاں دا ساہمنا اے۔ مظہر برلاس نے اپنے کالم وچ عمران خان بارے اک واقعے دا ذکر کردے ہوئے آکھیا کہ مینوں چنگی طرحاں یاد اے ایہ سردیاں دی دوپہر دی گل سی، میں عمران خان نال بنی گالا وچ کُھلے آسمان ہیٹھاں بیٹھا ہویا سی۔

سیاسی مخالفاں دی گل ہوئی تے میں خان صاحب نوں مولا علی دا ایہ قول

سنایا کہ ’جے کسے دا قد ویکھنا ہوئے تے اوہدے مخالفاں دی گنتی ویکھو‘۔

ایس قول مگروں میں عمران خان نوں آکھیا کہ تہاڈا سیاسی قد کِنا وڈا ہو گیا اے ،ایہدا اندازہ ایس گل توں لایا جا سکدا اے کہ نواز شریف تہاڈا مخالف اے۔

آصف زرداری تہاڈا مخالف اے۔ کراچی دا غیر اعلانیہ حکمران تہاڈا دشمن اے۔ اجے گل بات جاری سی کہ اوہ اچانک اُٹھے تے اوہناں کونے وچ مصلی وچھایا تے نماز لئی کھلو گئے۔

شاید اوہناں نوں پتا لگ گیا سی کہ نماز دا ویلا ہو گیا اے۔ کالم نگار دا کہنا سی کہ الزاماں دی زد وچ رہن والا میرے کول ای اللہ تعالی اگے سجدہ کر رہیا سی تے میں ایہ سوچ رہیا سی کہ ایہ اوہی انسان اے جیہدے مخالف پتا نہیں ایہدے اُتے کیہڑے الزام لاؤندے نیں تے ایہ ایہناں سارے الزاماں نوں اک پاسے رکھ کے اپنے خالق ساہمنے پیش ہو جاندا اے۔

اوہنے کدی اپنیاں نمازاں دی تشہیر نہیں کیتی حالانکہ اوہ تہجد وی پڑھد اے۔ کدی اوہدے کردار اُتے حملے ہوندے نیں، کدی اخلاق اُتے تے کدی اوہنوں یہودی لابی نال جوڑیا جاندا اے۔ پر اوہ ایہناں الزاماں دی پرواہ نہیں کردا۔