پی ٹی آئی رہنما نعیم الحق اپنے ای بیان توں پھر گئے عمران خان نے دانیال عزیز نوں چپیڑ مارن دے عمل دی تعریف نہیں کیتی: نعیم الحق دا یوٹرن

لاہور( پاکستان پوائنٹ نیوز25۔مئی2018ء ) پی ٹی آئی رہنما نعیم الحق اپنے ای بیان توں پھر گئے۔ عمران خان نے کدی وی ہتھ چُکن دے عمل نوں نہیں سلاہیا، نہ میرے دانیال عزیز نوں چپیڑ مارن دے کم دی تعریف کیتی۔

تفصیل مطابق نجی ٹی وی چینل دے پروگرام وچ کُجھ دن پہلے پاکستان تحریک انصاف دے رہنمانعیم الحق نے وفاقی وزیر برائے نجکاری دانیال عزیز نوں لائیو شودوران چپیڑماری سی۔

پاکستان تحریک انصاف دے رہنما نعیم الحق تے وفاقی وزیر نجکاری نجی ٹی وی شووچ ملک دی چالو صورتحال بارے تبصرہ کررہے سن۔

نعیم الحق دا ایس واقعے

مگروں کہنا سی کہ پی ٹی آئی چیئرمین عمران خان نے میرے دانیال عزیز نوں چپیڑ مارن دے عمل دی تعریف کیتی اے۔

پر ہن نعیم الحق اپنے بیان توں پھر گئے نیں۔ نعیم الحق دا اپنے ٹویٹر اکاؤنٹ اُتے ٹویٹ کردے ہوئے کہنا اے کہ عمران خان نے چپیڑ مارن دی تعریف نہیں کیتی پر عمران خان نے دانیال عزیز دے مندے سلوک تے جھوٹھ دا مقابلا کرن اُتے مینوں شاباش دتی سی۔

جو خبر چلی اوہدے اُتے لوک غلط فہمی دا شکار سن۔ عمران خان تے تشدد دے خلاف نیں۔ اوہناں دا کہنا اے کہ عمران خان نے کدی وی ہتھ چُکن دے عمل دی تعریف نہیں کیتی۔