سیاسی محاذ اُتے پاکستان تحریک انصاف نوں بہت وڈی کامیابی مل گئی بہاولپور نیشنل پارٹی تحریک انصاف وچ ضم ہو گئی
لاہور( پاکستان پوائنٹ نیوز24۔مئی2018ء ) سیاسی محاذ اُتے پاکستان تحریک انصاف نوں بہت وڈی کامیابی ملی اے۔بہاولپور نیشنل پارٹی تحریک انصاف وچ ضم ہو گئی۔
تفصیل مطابق الیکشن توں پہلے پہلے سیاست دے وڈے ناواں دی تحریک انصاف وچ رلت جاری اے۔ پچھلے اک سال وچ پاکستان تحریک انصاف وچ ہور جماعتاں خاص کر مسلم لیگ (ن) تے پاکستان پیپلز پارٹی دے وڈے وڈے ناواں نے رلت کیتی ، جیہناں وچ رضا حیات، ندیم افضل چن تے فردوس عاشق اعوان
شامل نیں۔
جنوبی پنجاب دے ناں اُتے مسلم لیگ (ن) توں بغاوت کر کے جنوبی پنجاب صوبہ محاذ بنن والیاں نے وی بعدوں عمران خان نال رلن دا اعلان کر دتا۔
پر اج فیر اک وار تحریک انصاف نوں سیاسی محاذ اُتے کامیابی ملی اے۔ بہاولپور نیشنل پارٹی دے رہنما نواب صلاح الدین عباسی نے عمران خان نال ملاقات کیتی۔
ملاقات دوران نواب صلاح الدین عباسی نے بہاولپور نیشنل پارٹی نوں تحریک انصاف وچ ضم کرن دا اعلان کیتا۔