اسلام آباد(پاکستان پوائنٹ نیوز16۔مئی2018ء ) چیئرمین نیب نے نواز شریف اُتے4.9ملین ڈالر دی بھارت منی لانڈرنگ دے الزام اُتے قائمہ کمیٹی وچ سدے جان اُتے پیشی توں معذرت کر لی پر کمیٹی نے اوہناں دی معذرت رد کر دتی۔
بدھ نوں قومی اسمبلی دی قائمہ کمیٹی برائے قانون و انصاف نے پچھلے دیہاڑے رکن قومی اسمبلی رانا حیات ولوں چُکے گئے نکتہ اعتراض دا نوٹس لیندے ہوئے چیئرمین نیب نوں سدیا سی۔
قائمہ کمیٹی دا اجلاس اج ڈھائی وجے ہویا۔ اجلاس وچ چیئرمین نیب نوں ذاتی طور اُتے پیش ہوکے معاملے بارے بریف کرن تے اپنے نال متعلقہ افسراں نوں لے کے آن دی ہدایت کیتی گئی۔
وسیلیاں مطابق نیب دفتر ولوں قومی اسمبلی نوں دسیا گیا کہ چیئرمین نیب نے کمیٹی ساہمنے پیش ہون توں معذرت کر لی اے۔
وسیلیاں نے دسیا کہ چیئرمین نیب ولوں جواب دتا گیا اے کہ کمیٹی وچ پیش ہون دا نوٹس سویرے ملیا ۔ پہلے توں میٹنگر تے رُجھاں (مصروفیات) دا شیڈول طے سی ایس لئی کمیٹی وچ پیش ہون لئی مناسب ویلا دتا جائے۔
وسیلیاں مطابق کمیٹی نے چیئرمین نیب جسٹس (ر) جاوید اقبال دی معذرت قبول کرن توں انکار کردے ہوئے اوہناں نوں اپنے فیصلے اُتے نظرثانی دی ہدایت کیتی اے۔
چیتے رہوے کہ حکومت نے پارلیمنٹ دی قائمہ کمیٹی راہیں چیئرمین نیب جسٹس (ر) جاوید اقبال توں پُچھ گچھ کرن لئی کل اوہناں نوں سدیا سی۔
چیئرمین نیب نوں نواز شریف اُتے بھارت 4.
9ارب ڈالرز منی لانڈرنگ کرکے گھلن دے الزام دے سلسلے وچ سدیا گیا۔ چیئرمین نیب نوں ہدایت کیتی گئی اے کہ اوہ بدھ نوں قومی اسمبلی دی قائمہ کمیٹی برائے قانون و انصاف ساہمنے پیش ہون۔
(ن)لیگ دے رانا حیات قومی اسمبلی دی قائمہ کمیٹی برائے قانون انصاف دے چیئرمین دی حیثیت نال چیئرمین نیب توں سوال جواب کرن گے۔