الیکشن دے حوالے نال وڈی خبر آ گئی نگران وزیر اعظم دا تقرر چھیتی ہو جائے گا، اسمبلیاں 48گھنٹیاں وچ ٹُٹ سکدیاں نیں: وسیلیاں دا دعوا

اسلام آباد(پاکستان پوائنٹ نیوز15۔مئی2018ء ) نگران وزیر اعظم دا تقرر چھیتی ہو جائے گا، اسمبلیاں 48گھنٹیاں وچ ٹُٹ سکدیاں نیں۔

تفصیل مطابق 2018پاکستان وچ الیکشن دا سال اے۔ جیویں جیویں الیکشن نیڑے آ رہیا اے اوویں اوویں سیاسی جوڑ توڑ اپنے عروج اُتے اپڑ گیا اے۔

ایس صورتحال وچ نگران وزیر اعظم دا ناں فائنل ہو گیا اے۔ دوجے پاسے آس کیتی جا رہی اے کہ چھیتی ای نگران وزیر اعظم حکومت دی نس بھج سنبھال سکدے نیں۔

پچھلے دیہاڑے آن والیاں اطلاعواں مطابق نگران وزیر اعظم دے ناں دا اعلان 19مئی نوں کیتا جائے گا۔ نگران وزیر اعظم پہلی جون توں اپنا عہدہ سنبھالن گے۔

ایہ وی دسیا جا رہیا سی کہ نگران وزیر اعظم لئی اہم تے مقبول ترین شخصیت دا ناں چُنیا گیا اے۔ قومی اخبار مطابق اگلے 48گھنٹے بہت اہم نیں۔

خبر مطابق چھیتی ای نگران وزیر اعظم دا تقرر کر دتا جائے گا تے آؤندے 48گھنٹیاں وچ اسمبلیاں ٹُٹ سکدیاں نیں۔