وزیر خزانا اسحاق ڈار نے ایف بی آر حکام نُوں بہاماس لیکس وچ شامل پاکستانی کمپنیاں تے بندیاں خلاف قانون دے مطابق کارروائی کرن دی ہدایت کر دِتی

اسلام آباد (پاکستان پوائنٹ نیوز۔22ستمبر 2016) وفاقی وزیر خزانا اسحاق ڈار نے بہاماس لیکس وچ آن والے ناواں اُتے ایف بی آر‘ سٹیٹ بینک آف پاکستان تے ایس ای سی پی نُوں قانون دے مطابق کارروائی کرن دی ہدایت کیتی اے۔

وفاقی وزیر خزانا اسحاق ڈار نے جمعرات نُوں آئی سی آئی جے ولوں بہاماس لیکس دی معلومات لیکس کرن دے بعد وزیراعظم دے مشیر برائے ریونیو ہارون اختر تے ایف بی آر حکام نال اِک اہم ملاقات کیتی وزارت خزانا ولوں جاری بیان دے مطابق وزیر خزانا اسحاق ڈار نے ایف بی آر حکام نُوں بہاماس لیکس وچ شامل پاکستانی کمپنیاں تے بندیاں خلاف قانون دے مطابق کارروائی کرن دی ہدایت کیتی اے

وزیر خزانا نے ایسے طرحاں دے احکامات سٹیٹ بینک آف پاکستان تے ایس ای سی پی حکام نُوں وی دِتے نیں وزیر خزانا نے کہیا اے کہ کِسے دے نال کوئی فرق نہیں کیتا جاوے گا تے سارے قانونی تقاضیاں نُوں ساہمنے رکھدیاں ہویاں تحقیقات کیتیاں جان گیاں واضح رہوے کہ آئی سی آئی جے نے چھے مہینے پہلاں پاناما لیکس دیاں تفصیلاں جاری کیتیاں سن جہناں وچ 444 پاکستانیاں کمپنیاں دی پاناما تے ہور ملکاں وچ آف شور کمپنیاں دے حوالے توں معلومات دِتیاں گئیاں سن بدھ والے دِن آئی سی آئی جی نے بہاماس لیکس وچ 150 پاکستانیاں دیاں معلومات شیئر کیتیاں نیں جہناں وچ سیاسی‘ کاروباری حضرات تے ہور شامل نیں۔