کراچی دا امن تباہ کرن دی سازش،الطاف حسین نوں واپس لیان دیاں تیاریاں

کراچی(پاکستان پوائنٹ نیوز23۔اپریل2018ء) تحریک انصاف دے رہنما فیصل واوڈا نے دعوا کیتا اے کہ سندھ دی سیاست اج تے کل بدل جائے گی، خواجا سہیل منصور منی لانڈرنگ وچ ملوث نیں نویں پارٹی بنا کے بانی متحدہ حوالے کرنا چاہندے نیں، 8کروڑ دا پلاٹ وِکیا، اک کروڑ دے ایف اکاؤنٹ وچ گئے، ایف آئی اے وچ خط جمع کروا دتا۔

اوہناں نے اج کراچی وچ میڈیا نال گل بات کردے ہوئے آکھیا کہ سندھ دی سیاست اج تے کل بدل جائے گی۔ اوہناں دا کہنا سی کہ سندھ حکومت دی سیاست نویں موڑ مُڑے گی۔

میری گل سچ ثابت ہو گئی اے۔ اوہناں نے آکھیا کہ کل چور پنجاب توں آیا تے اوہناں نے دوجے چوراں نوں گلے لا لیا۔ ارباں رُپئے چوری کرن والے نوں ٹیکس ایمنسٹی مل جاندی اے۔

فیصل نے آکھیا کہ فاروق ستار، بہادر آباد تے پی ایس پی نال اک ای گیم ہو رہی اے۔ خواجا سہیل نویں پارٹی بنا کے متحدہ دے موڈھی دے حوالے کرنا چاہندے نیں۔

خواجا سہیل منصور منی لانڈرنگ وچ ملوث نیں۔ اوہناں نے آکھیا کہ خواجا سہیل منصور دا پِچھا نہیں چھڈاں گے تے اوہناں نوں جیل گھلواواں گے۔