(ن) لیگ ملک وچ کرپشن تے کمیشن کلچر دا خاتما نہیں اوہدی ودھوتری چاہندی اے: چودھری محمد سرور
لاہور(پاکستان پوائنٹ نیوز16۔ستمبر2016ء) سابق گورنر پنجاب چودھری محمد سرور نے آکھیا اے کہ (ن) لیگ دی حکومت ملک وچ کرپشن تے کمیشن کلچر دا خاتما نہیں اوہدی ودھوتری چاہندی اے۔
جمعے دے دیہاڑے تحریک انصاف خانیوال دے صدر پیر ظہور حسین نال ملاقات دے دوران گل بات کردے ہوئے سابق گورنر پنجاب چودھری محمد سرور
نے آکھیا کہ عمران خان ملک تے قوم دے مفاداں لئی سڑکاں اُتے جنگ لڑ رہے نیں تے ایس گل وچ کوئی شک نہیں کہ جدوں تیکر ملک وچ جزا تے سزا دا نظام نہیں متھیا جائے گا ،اودوں تیکر ملک وچ بہتری نہیں آئے گی۔
چودھری محمد سرور دا کہنا سی کہ آن والیاں چوناں وچ حکمراناں توں ووٹ دی طاقت نال اوہناں توں حساب لواں گے۔