صحت، تعلیم، پولیس تے ہور اہم محکمیاں وچ ڈیجیٹل پنجاب دے کئی پراجیکٹس متعارف زمیناں دا ریکارڈ محفوظ کرن لئی موبائل اپلیکیشن وی متعارف کروائی جا رہی اے: پی ٹی آئی بی چیئرمین عمر سیف دی اُردو پوائنٹ نال گل بات
لاہور(پاکستان پوائنٹ نیوز26۔مارچ2018ء) پاکستان انفارمیشن ٹیکنالوجی بورڈ دے چیئرمین عمر سیف نے ’اُردو پوائنٹ‘نال اُچیچی گل بات کردے ہوئے ڈیجیٹل پنجاب وچ کیتے گئے اقدامات بارے دسدے ہوئے آکھیا کہ ڈیجیٹل پنجاب دے تحت اسیں محکمہ صحت، تعلیم، پولیس تے ہور اہم محکمیاں وچ بہت سارے ڈیجیٹل پراجیکٹس متعارف کروا رہے آں۔
ڈیجیٹل پنجاب دے اک پراجیکٹ
خدمت روزگار بارے دسدے ہوئے عمر سیف دا کہنا سی کہ ہن لوکاں نوں شناختی کارڈ، ڈرائیونگ لائسنس یاں ڈومیسائل بنوان لئی کئی دفتراں دا چکر نہیں لانا پئے گا بلکہ اوہ ایہ کم صرف اک سنٹر اُتے آ کے کر وا سکدے نیں۔
ایس بارے ساڈی اپلیکیشنز وی موجود نیں جیہدے راہیں لوکاں نوں پتا ہوندا اے کہ کوئی وی کم کروان لئی کیہڑیاں کیہڑیاں شیواں دی ضرورت اے۔