لاہور(پاکستان پوائنٹ نیوز22۔مارچ2018ء) سابق وزیراعظم نواز شریف دی دھی مریم نواز نے حاضری توں استثنا دی درخاست رد ہون مگروں ٹویٹ کردے ہوئے آکھیا کہ ماں میری تے ابو دی اُڈیک وچ سن۔
تفصیل مطابق احتساب عدالت ولوں سابق وزیر اعظم نواز شریف تے اوہناں دی دھی مریم نواز دی حاضری توں استثنا دی درخاست رد کر دتی گئی سی جیہدے مگروں مریم نواز نے سماجی رابطے دی ویب سائٹ ٹویٹر اُتے اپنے پیغام وچ آکھیا کہ ماں میری تے ابو
دی اُڈیک وچ سن۔
امی نے اجے میرے کولوں فون اُتے پچھیا کہ اجازات مل گئی؟ تو میں آکھیا نہیں۔ جیہدے مگروں امی نے آکھیا کہ کوئی گل نہیں ساڈا اللہ مالک اے۔
چیتے رہوے کہ نواز شریف تے مریم نواز نے 26مارچ توں اک ہفتے لئی عدالت اگے حاضری توں استثنا دی درخاست کیتی سی۔ درخاست نال بیگم کلثوم نواز دا میڈیکل سرٹیفیکیٹ وی لایا گیا پر عدالت نے نواز شریف تے مریم نواز دی حاضری توں استثنا دی درخاست رد کر دتی ۔