اسلام آباد(پاکستان پوائنٹ نیوز14۔مارچ2018ء) اعتزاز احسن نے رضا ربانی نوں دوبارہ چیئرمین سینیٹ نہ بنان دی وجہ دس دتی۔
نجی ٹی وی چینل دے اک پروگرام وچ گل بات کردے ہوئے اعتزاز احسن نے آکھیا کہ ریاست دی پوری مشینری اپوزیشن خلاف ورتی گئی اے۔
جے نواز شریف پہلے نہ آکھدے
کہ اسیں رضا ربانی نوں چیئرمین سینیٹ لئی امیدوار نامزد کر رہے آں تے پیپلز پارٹی پہلے ای رضا ربانی نوں نامزد کر دیندی اتے ہو سکدا اے کہ رضا ربانی نوں دوبارہ چیئرمین سینیٹ بنا دتا جاندا کیونکہ پنجاب وچ بُہتے ووٹ رضا ربانی دے ای ہوندے۔