صادق سنجرانی بطور چیئرمین سینیٹ قبول نہیں: محمود خان اچکزئی

اسلام آباد(پاکستان پوائنٹ نیوز12۔مارچ2018ء) پشونخوا ملی عوامی پارٹی دے سربراہ محمود خان اچکزئی نے آکھیا اے کہ صادق سنجرانی بطور چیئرمین سینیٹ کسے طور اُتے قبول نہیں، جے میرا بھرا وی ایس انداز نال چیئرمین شپ دا امیدوار ہوندا تے ووٹ کدی نہ دیندا۔

پیر نوں میڈیا نال گل بات کردے ہوئے محمود خان اچکزئی نے آکھیا کہ سانوں توبہ کرنی پئے گی تے حلف لینا پئے گا کہ آئین دی پاسداری کراں گے۔

اوہناں نے آکھیا کہ ساریاں نے آئین دے تحت حلف لیا ہویا اے۔ آئین دی خلاف ورزی

کرن والا غداری دا مرتکب ہوئے گا۔ اوہناں نے آکھیا کہ آئین عزیز اے تے خدا لئی اوہنوں مقدم رکھو۔

اوہناں نے آکھیا کہ بلوچستان دے سینیٹ ارکان شفاف طریقے نال نہیں چُنے گئے، لیڈرز نوں ایجاد کرنا بند کر دینا چاہیدا۔

محمود خان اچکزئی نے آکھیا کہ نواز شریف ٹھیک آکھ رہے نیں کہ ووٹ دا تقدس بحال رکھنا ہوئے گا۔ اوہناں نے آکھیا کہ پاکستان دیاں اوکڑاں وچ وادھے دا حامی نہیں آں۔

اوہناں نے آکھیا کہ ملکی ترقی چاہندے او تے آئینی حداں دا خیال رکھنا پئے گا۔