اسلام آباد(پاکستان پوائنٹ نیوز27۔فروری2018ء) پاکستان مسلم لیگ (ن) دے منحرف رہنما میاں طارق محمود نے نجی ٹی وی چینل دے پروگرام وچ گل بات کردے ہوئے آکھیا کہ اصل مسئلا ایہ اے کہ لیڈر شپ نے لمے چِر توں سانوں کارنر کیتا ہویا اے۔
انتظامیہ نوں وی میسج کیتا گیا کہ ایہناں لوکاں دی گل نہیں سُننی۔ ساڈے بہت نِکے نِکے تے جائز مطالبے نیں۔ ایہناں مطالبیاں دے پورا ہون وچ سبھ توں ودھ خرم دستگیر دی فیملی رکاوٹ سی۔
اسیں آزاد امیدوار دی حیثیت نال جِتے ساں، ایہ ساڈے گھر آئے تے سانوں شمولیت دی دعوت تے اسیں اوہنوں قبول کیتا۔میاں طارق محمود
دا کہنا سی کہ اسیں گوجرانوالا وچ مسلم لیگ (ن) لئی بہت کم کیتا اے، اسیں چنگے خانداناں نوں اپنے نال لے کے آئے۔
جدوں اسیں اوہناں دی دعوت قبول کیتی تے ایہ ساڈے بہت شکر گزار سن پر ہن جدوں پوری طاقت وچ آگئے تے سانوں پُچھیا وی نہ۔
اوہناں دا کہنا سی کہ جدوں ساڈی گل بات نہ سُنی گئی تے اسیں سوچیا کہ اسیں وکھ ہو جائیے کیونکہ اسیں تے الیکشن ای لڑنا اے ساڈے کول تے بہت آپشنز نیں۔
میاں طارق محمود دا کہنا سی کہ اسیں کسے وی جماعت وچ رلتی ہو سکدے آں، اوہناں دی غلط فہمی اے کہ ایہ جیہنوں شیر دا ٹکٹ دین گے اوہی الیکشن جِتے گا۔