ریحام تے عمران خان دے ویاہ دا معاملا:جھوٹھ دا الزام لان والی ریحام خان نے آپ ایس معاملے اُتے کِنی وار جھوٹھ بولیا: سینئر پرچا کار نے بھانڈا بھن دتا

اسلام آباد(پاکستان پوائنٹ نیوز06۔فروری2018ء) ویاہ دے معاملے اُتے عمران خان اُتے جھوٹھ دا الزام لان والی ریحام خان نے آپ ایس معاملے اُتے کِنا وار جھوٹھ بولیا۔

سینئر پرچاکار نے ریحام خان دے ٹویٹس ساہمنے لیا کے بھانڈا بھن دتا۔ تفصیل مطابق اج کل ریحام خان اپنے بیاناں دی وجہ توں خبراں دیاں سرخیاں بنیاں ہوئیاں نیں۔

اوہناں نے بھارتی ٹی وی نوں دتے گئے انٹرویو وچ عمران ُتے الزام لایا کہ عمران خان نے ویاہ دے معاملے اُتے لوکائی نال جھوٹھ بولیا تے سچ نوں لُکائے رکھیا۔

نجی ٹی وی دے سینئر اینکر شہزاد اقبال نے ریحام خان دے جھوٹھ دا بھانڈا بھندے ہوئے آکھیا کہ جے ایہ جھوٹھ بولنا خطرناک سی تے ایہ

جھوٹھ ریحام خان وی بول چکیاں نیں۔

اوہناں نے ریحام خان دے ٹویٹس نوں مُکھ رکھدے ہوئے ریحام خان دے جھوٹھ بارے دسیا۔ ریحام خان نے وی ویاہ دے معاملے اُتے لوکائی نال جھوٹھ بولیا۔

پہلے اک ٹویٹ وچ اوہناں نے آکھیا کہ 7محرم جو اوہناں دی ویاہ دا دن سی ، اوس دن اوہ صرف مری گئیاں سن ایس توں ودھ کُجھ نہیں ہویا سی، ایہدے مگروں 19نومبر دے ٹویٹ وچ ریحام خان دا کہنا سی کہ جے اوہناں دا ویاہ ہویا تے ایہ خشخبری آپ اپنے خاندان تے چاہن والیاں نوں دین گیاں، یعنی 31اکتوبر نوں ہو جان والے ویاہ نوں ریحام خان نے آپ وی لُکیا تے ہن اوہ ایہدا سارا ملبہ عمران خان اُتے پا رہیاں نیں۔