اسلام آباد(پاکستان پوائنٹ نیوز06۔ستمبر2016ء) مسلم لیگ (ن) دے رہنما رکن قومی اسمبلی قیصر احمد شیخ نے آکھیا اے کہ عمران خان آپے اسمبلی تے آپے سپریم کورٹ بنے ہوئے نیں، اج تیکر کدے کسے فیصلے نوں نہ منن والے سپیکر دے فیصلے نوں کیویں منن گے۔
تفصیل دے مطابق منگل دے دیہاڑے پارلیمنٹ ہاؤس دے باہر میڈیا نال گل بات کردے ہوئے اوہناں نے آکھیا کہ دفاع دیہاڑ اُتے
پاک فوج نوں خراج تحسین پیش کردے آں۔
اوہناں نے آکھیا کہ پاناما لیکس معاملے اُتے نیب و الیکشن کمیشن سنے سارے ادارے پیپرز دا معائنا کر رہے نیں، جو وی گل ہوئی سامنے آ جائے گی۔
قیصر احمد شیخ نے آکھیا کہ سڑکاں اُتے آن دا کوئی فائدہ نہیں، عمران خان آپے ای اسمبلی تے آپے سپریم کورٹ بنے ہوئے نیں، اوہ چاہندے نیں کہ ہر فیصلا اوہناں دی خاہش مطابق ہووے۔