کراچی(پاکستان پوائنٹ نیوز23۔جنوری2018ء) نقیب اللہ محسود قتل کیس وچ معطل کیتے گئے ایس ایس پی راؤ انوار وی اقامہ ہولڈر نکلے۔
تفصیل مطابق راؤ انوار کول متحدہ عرب امارات دا رہائشی اقامہ موجود اے۔ راؤ انوار دے اقامے دی کاپی نجی ٹی وی چینل نے وی لے لئی اے۔
نجی ٹی وی چینل دی رپورٹ مطابق راؤ انوار نے ایہ اقامہ دبئی توں لیا۔ نجی ٹی وی مطابق 9اکتوبر 2017نوں
دبئی حکومت نے ایہ اقامہ راؤ انوار دے پاسپورٹ نمبر MU4112252اُتے لایا۔
راؤ انوار دے اقامے دی مدت 8اکتوبر2018تیکر اے۔ ایسے اقامے دی وجہ توں راؤ انوار نے باہرلے ملک فرار ہون دی کوشش کیتی۔
نجی ٹی وی چینل نے اپنی رپورٹ وچ خدشہ ظاہر کیتا کہ ایہ اقامہ 8اکتوبر2018تیکر کارآمد اے، ایس لئی راؤ انوار بعدوں وی باہرلے ملک فرار ہون دی کوشش کر سکدے نیں۔