قصور زیادتی کیس: پولیس نے سراغ رساں کتیاں دے پیسے لئے پر کُتے فیر وی نہیں آئے: زینب دے والد دا الزام

قصور(پاکستان پوائنٹ نیوز22۔جنوری2018ء) قصور زیادتی کیس دے ملزم اجے تیکر گرفتار نہیں ہو سکے۔ زینب دے والد نے الزام لایا اے کہ پولیس نے سراغ رساں کتیاں دے پیسے لئے پر کتے فیر وی نہیں آئے۔

پولیس آؤندی سی تے کِنو کھا کے چلی جاندی سی۔ ساڈی بالڑی دا قاتل کوئی ہوائی مخلوق تے نہیں، سانوں انصاف چاہیدا۔

تفصیل مطابق زینب قتل کیس نوں ساہمنے آئے دو ہفتے ہو گئے نیں پر پنجاب پولیس اجے تیکر ملزماں نوں گرفتار کرن وچ ناکام وکھالی دے رہی اے۔

زینب دے والد امین

انصاری نے ایس حوالے نال گل بات کردے ہوئے میڈیانوں دسیا کہ پولیس اوہناں نال تعاون نہیں کردی۔

زینب دے والد نے الزام لایا اے کہ پولیس نے سراغ رساں کتیاں دے پیسے لئی پر کُتے فیر وی نہیں آئے،۔ پولیس آؤندی سی تے کِنو کھا کے چلی جاندی سی۔

اوہناں دا کہنا سی کہ ساڈی بالڑی دا قاتل کوئی ہوائی مخلوق تے نہیں جو اجے تیکر گرفتار نہیں ہویا۔ ایس کیس دے سہولت کاراں نوں وی گرفتار ہونا چاہیدا۔ اوہناں د اکہنا سی کہ بس ہن بہت ہو گیا اوہناں نوں انصاف چاہیدا۔