مریم نواز دی پرتکلف کھانیاں نال خاطر داری: کیپٹن صفدر کول کھلوتے کھانیاں نوں تکدے رہے

لاہور(پاکستان پوائنٹ نیوز22۔جنوری2018ء) مریم نواز نوں اکثر ای شاہی انداز دی وجہ توں تنقید دا نشانہ بنایا جاندا اے۔

پر ہن اوہناں دی اک ہور ویڈیو سوشل میڈیا اُتے وائرل ہو رہی اے۔ ویڈیو وچ اوہ کھانے دی میز ساہمنے کرسی اُتے بیٹھیاں نیں جدکہ میز اعلا قسم دے کھانیاں نال بھریا ہویا اے۔

مریم نوازدے دوجے پاسے سابق وزیر اطلاعات و نشریات پرویز رشید کھلوتے نیں۔ جو اوہناں نوں کھانیاں بارے دس رہے نیں۔

اوہناں نال مریم نواز دے شوہر کیپٹن (ر) صفدر وی کھلوتے نیں۔ ویڈیو ساہمنے آن اُتے مریم نواز نوں تنقید دا نشانہ بنایا جا رہیا اے۔

سوشل میڈیا ورتیندڑاں دا کہنا اے کہ پاکستان دے 60فیصد لوکاں کول دو ویلے دی روٹی کھان نوں نہیں اے تے حکمران کھانے دی میز سجائی بیٹھے نیں ۔

ایس توں وکھ کیپٹن صفدر نوں وی تنقید دا نشانہ بنایا جا رہیا اے۔ اک سوشل میڈیا ورتیندڑ نے لکھیا اے کہ کیہ گھر جوائی دی اینی ای اہمیت ہوندی اے کہ بیوی کرسی اُتے بیٹھی اے تے شوہر ساہمنے کھلوتا اے۔

چیتے رہوے کہ کل وی سوشل میڈیا اُتے کُجھ تصویراں وائرل ہوئیاں سن جہناں وچ نواز شریف تے اوہناں دی دھی مریم نواز صوفے اُے بیٹھے سن جدکہ کیپٹن صفدر نال رکھی اک نِکی جہی کرسی اُتے بیٹھے ہوئے سن۔