لاہور(پاکستان پوائنٹ نیوز13۔جنوری2018ء) زینب قتل کیس وچ پولیس نے پیرو والا دے رہائشی مشتبہ بندے ناصر نوں گرفتار کر کے ڈی این اے سیمپل میچنگ لئی لاہور گھل دتے نیں۔
قومی اخبار مطابق وقوعہ توں 13سی سی ٹی وی کیمریاں دی فوٹیج وی لئی گئی اے، جہدے وچ اک دُکان دے باہر لگے کیمرے دی فوٹیج وچ اک بندہ زینب نوں نال لے کے لیجاندے ویکھیا گیا اے۔
پولیس دی نااہلی دے نال نال اہم انکشافات وی ساہمنے آئے نیں۔ زینب دی لاش کوڑے دے ڈھیر وچ سُٹن وچ پولیس دے ملوث ہون دا شبہ ظاہر
کیتا جا رہیا اے۔
وسیلیاں مطابق اک خفیہ ادارے دی رپورٹ وچ انکشاف کیتا گیا اے کہ زینب نوں قتل کرن مگروں تھانہ صدر قصور دی حدود وچ سڑک کنڈھے سُٹیا گیا۔
اغوا دا رولا پین مگروں لاش اوتھوں چُکوا کے تھانہ اے ڈویژن دی حد وچ سُٹی گئی۔ پیرو والا چوک جتھے پہلے زینب دی لاش نوں سُٹیا گیا، نیڑے لگے سی سی ٹی وی کیمریاں دی فوٹیج نوں پولیس ولوں ضائع کر دتا گیاجدکہ دو کیمریاں دی فوٹیج اہم اداریاں ہتھ لگ گئی اے۔
جہدے توں ایس گل دا انکشاف ہون والا اے۔