جلسیاں وچ لوکائی نوں دساں گا کس گل دی سزا دتی گئی: نواز شریف آؤندے الیکشن 2018وچ ہون گے،پارٹی کارکن عوامی رابطہ مہم تیز کر دین،کُجھ جماعتاں وعدے پورے کرن دی بجائے جھوٹھی سیاست کردیاں نیں:کارکناں نال گل بات

لاہور(پاکستان پوائنٹ نیوز22۔دسمبر2017ء) مسلم لیگ (ن) دے صدر و سابق وزیر اعظم میاں محمد نواز شریف نے آکھیا اے کہ عوامی جلسیاں وچ لوکائی نوں دساں گاکہ کس گل دی سزا دتی گئی، آؤندے الیکشن 2018وچ ہون گے،پارٹی کارکن عوامی رابطہ مہم تیز کر دین۔

میڈیا رپورٹس مطابق اج جمعے دی نماز مگروں سابق وزیر اعظم نواز شریف کارکناں وچ رل مل گئے۔ جمعے دی نماز مگروں بیگم کلثوم نواز دی تندرستی لئی دعا وی کروائی گئی۔

نواز شریف نے کارکناں نال گل بات کردے ہوئے آکھیاکہ 2014توں حکومت گھر گھلن دا سلسلا شروع ہو یا۔ اوہ اج کتھے نیں؟ پر حکومتی سال 2017وی ختم ہون والا اے۔

انشاء اللہ آؤندے الیکشن 2018وچ ہون وے۔ پارٹی رہنما و کارکن اپنے

اپنے حلقیاں تے علاقیاں وچ عوامی خدمت وچ کوئی کمی نہ آن دین۔

اوہناں نے آکھیا کہ پورے ملک وچ لوکائی دے دووٹ دے تقدس لئی دورے کراں گا۔ نواز شریف نے ایس موقعے تے پارٹی کارکناں نوں 31دسمبر نوں سرگودھا وچ ہون والے جلسے دیاں تیاریاں دی ہدایت وی کیتی۔

اوہناں نے آکھیا کہ ارکان اسمبلی و بلدیاتی نمائندے رلکے جلسے دی تیاری کرن۔ اوہناں نے آکھیا کہ عوامی جلسیاں وچ لوکائی نوں دساں گا کہ مینوں کس گل دی سزا دتی گئی۔

لوکائی دے ووٹ دے تقدس تے آئین و قانون دی حکمرانی نوں یقینی بناواں گے۔ ووٹ دے تقدس لئی ہر شہر جاواں گا۔ اوہناں نے آکھیاکہ کُجھ جماعتاں وعدے پورے کرن دی بجائے جھوٹھی سیاست کردیاں نیں۔