اسلام آباد(پاکستان پوائنٹ نیوز22۔نومبر2017ء) وزیر خزانہ اسحاق ڈار نے اپنے عہدے توں استعفا دے دتا اے۔ میڈیا رپورٹس مطابق وزیر اعظم دے وسیلیاں نے دسیا اے کہ وزیر خزانہ اسحاق ڈار نے اپنے عہدے توں استعفا دے دتا اے۔
ایس توں پہلاں اطلاع سی کہ وزیر خزانہ اسحاق ڈار نے وزیر اعظم شاہد خاقان عباسی نوں خط لکھیا اے کہ اوہناں نوں وزیر خزانہ دیاں ذمے واریاں
توں دور کر دتا جائے۔
اسحاق ڈار نے وزیر اعظم نوں صحت دی خرابی کارن چھٹی دی درخاست وی دتی اے۔ وزیر خزانہ اسحاق ڈار نے وزیر اعظم شاہد خاقان عباسی نوں خط لکھن توں پہلاں پارٹی صدر نواز شریف نوں وی اعتماد وچ لیا۔
یادرہوے کہ وزیر خزانہ اسحاق ڈار دل دے روگ کارن لندن دے ہسپتال وچ داخل نیں۔ دوجے پاسے عدالت اوہناں نوں اشتہاری قرار دے چکی اے۔