(ن) لیگی ارکان نوں جمہوریت دا مذاق اُڈان اُتے سِر شرم نال جھکا لینے چاہیدے: عمران خان

اسلام آباد(پاکستان پوائنٹ نیوز21۔نومبر2017ء) تحریک انصاف دے چیئرمین عمران خان نے آکھیا اے کہ (ن) لیگی ارکان نوں جمہوریت دا مذاق اُڈان اُتے سِر شرم نال جھکا لینے چاہیدے، نااہلی مگروں نواز شریف نوں پارٹی سربراہ رکھن دی منظوری دتی گئی۔

میڈیا رپورٹس مطابق چیئرمین پی ٹی آئی عمران خان نے قومی اسمبلی وچ الیکشن ترمیمی بل 2017نوں رد کرن بارے ردعمل دا وکھالا کردے ہوئے آکھیا اے کہ مسلم لیگ (ن) دے ارکان اسمبلی نے الیکشن قانون وچ ترمیم دی مخالفت کیتی۔

نااہلی مگروں نواز شریف نوں پارٹی سربراہ رکھن دی منظوری دتی گئی۔ اوہناں نے آکھیا کہ (ن) لیگی ارکان نوں جمہوریت دا مذاق اُڈان اُتے سِر شرم نال جھکا

لینے چاہیدے۔

مسلم لیگ (ن) نے اج قوم نوں پیغام دتا کہ کرپٹ ہونا کوئی برائی نہیں۔ (ن) لیگ نے اپنے لیڈر نوں قانون توں اُچا ثابت کرن دی کوشش کیتی۔

عمران خان دا کہنا سی کہ آئین وچ اے کہ نااہل بندہ پارٹی دا سربراہ نہیں بن سکدا۔ یاد رہوے کہ قومی اسمبلی ارکان دی وڈی گنتی ولوں فیصلا کیتا گیا اے کہ مسلم لیگ (ن) دے قائد و سابق وزیر اعظم نواز شریف پارٹی دے سربراہ رہن گے، قومی اسمبلی نے پیپلز پارٹی دا نااہل بندے نوں پارٹی صدر بنان دا بل رد کر دتا، ایوان وچ 163ارکان نے اپوزیشن جماعتاں دی مخالفت جدکہ 98ارکان نے حمایت وچ ووٹ دتے۔

پرحکومتی ارکان ظفر اللہ جمالی نے حکومت خلاف ای ووٹ دتا۔