ظلم دا نظام جدوں تیکر رہوے گا ملک وچ برکت نہیں آئے گی، عمران خان ہسپتالاں دی صورتحال بارے وزیر اعظم نوں کوئی فکر نہیں، کیوں جے علاج کروان لئی اوہ تے برطانیا چلے جاندے نیں: تقریب نال خطاب

پشاور(پاکستان پوائنٹ نیوز31۔اگست 2016ء) چیئرمین تحریک انصاف عمران خان نے آکھیا اے کہ ظلم دا نظام جدوں تیکر اے غربت تے ناانصافی ختم نہیں ہو سکدی، ہسپتالاں دی کیہ صورتحال اے اوہدی وزیر اعظم نوں کوئی فکر نہیں، پر ساڈا وزیر اعظم تے برطانیا چلا جاندا اے چیک اپ لئی، اوہناں نوں کیہ پتا ہووے کہ غریباں اُتے کیہ گزردی اے، شوکت خانم ہسپتال وچ آن والے روگیاں توں دین یاں پارٹی دا نہیں پُچھیا جاندا، چالو ورھے شوکت خانم دا کسارا چار ارب اے۔

تفصیل دے مطابق بدھ نوں چیئرمین تحریک انصاف عمران خان نے تقریب نال خطاب کردے ہوئے آکھیا کہ ظلم دا نظام جدوں تیکر اے غربت تے ناانصافی ختم نہیں ہو سکدی، ہسپتال دی کیہ صورتحال اے اوہدی وزیراعظم نوں کیہ فکر اے،ساڈا وزیر اعظم تے چیک اپ لئی لندن ٹُر جاندا اے۔

عمران خان نے آکھیا کہ اک بندے دی تکلیف ویکھ کے کینسر ہسپتال بنان دا فیصلا کیتا اے، کینسر دیاں دوائیاں سبھ توں مہنگیاں نیں، گھٹو گھٹ علاج اُتے 8 توں 9 لکھ خرچ ہوندے نیں۔

اوہناں نے آکھیا کہ شوکت خانم وچ بغیر فرق دے علاج کیتا جاندا اے، اوتھے آن والے توں مذہب یاں پارٹی بارے نہیں پُچھیا جاندا۔

اوہناں نے آکھیا کہ 50 فیصد پاکستانی اپنے بالاں نوں 2 ویلے دی روٹی نہیں کھوا سکدے، کیہ اسیں موجودہ نظام وچ اسیں ایسے طرحاں منگ کے گزارا کردے رہواں گے۔

اوہناں نے آکھیا کہ سانوں پتا چلیا کہ 5.

6 سال پہلے طالبان دا لیڈر وی علاج کروا کے گیا اے، عمران خان نے آکھیا کہ ظلم دا نظام جدوں تیکر رہوے گا ملک وچ برکت نہیں رہوے گی۔

اوہناں نے آکھیا کہ جے انصاف ملنا مہنگا پے جائے تے مطلب معاشرہ ناکام ہو گیا اے۔ اوہناں نے آکھیا کہ صوبے وچ صحت کارڈ جلد جاری کراں گے، جو صرف غریباں نوں دِتے جان گے۔

اوہناں نے آکھیا کہ چالو ورھے شوکت خانم دا کسارا 4 ارب رُپئے اے۔