سابق صدر آصف علی زراری دے پیر دی نواز شریف دے وکیل نال ملاقات پیر اعجاز شاہ عدالت دے باہر نواز شریف لئی ورد تے دعا کردا رہیا
اسلام آباد(پاکستان پوائنٹ نیوز15۔نومبر2017ء) سابق صدر آصف علی زراری دے پیر اعجاز شاہ نے نواز شریف دے وکیل نال ملاقات کیتی۔
تفصیل مطابق پیر اعجاز شاہ نے نواز شریف دے وکیل نال ملاقات دوران دسیا کہ میں نواز شریف لئی دعا کیتی اے۔ اوہناں دا کہنا سی کہ میں نواز شریف نال ملاقات لئی اٹک قلعہ وی گیا سی۔
اج سویرے وی پیر اعجاز شاہ احتساب عدالت وچ نواز شریف دی
پیشی دوران عدالت دے باہر کھلوتا ورد تے نواز شریف لئی دعاواں کردا رہیا۔
یاد رہوے کہ پیر اعجاز شاہ نوں سابق صدر آصف علی زرداری دا قریبی بندہ سمجھیا جانا اے ، جدکہ پیر اعجاز شاہ نے ایس توں پہلاں وی دعوا کیتا سی کہ زرداری نوں اوہنے ای صدر بنایا۔
پیر اعجاز شاہ نے عمران خان نوں وی پیشکش کیتی سی کہ جے اوہ وزیر اعظم بننا چاہوے تے میرے نال ملاقات کرے۔