سینمے دے ٹکٹ بلیک وچ ویچن والا زرداری ملک کیویں چلا سکدا اے؟ بلاول نوں تے اُردو وی بولنی نہیں آؤندی، سبھ توں وڈے ڈاکو مجرم زرداری تے نواز شریف نیں: عمران خان دا جلسے نال خطاب

اپردیر(پاکستان پوائنٹ نیوز27۔اکتوبر2017ء) تحریک انصاف دے چیئرمین عمران خان نے آکھیا اے کہ بے نظیر مگروں زرداری تے بلاول اُتے آ گئے‘ بلاول نوں تے اُردو وی بولنی نہیں آؤندی‘ سینمے دے ٹکٹ بلیک وچ ویچن والا زرداری ملک کیویں چلا سکدا اے؟سبھ توں وڈے ڈاکو زرداری تے نواز شریف نیں، دوواں دے دور وچ ہر پاکستانی اک لکھ 20ہزاررُپئے دا قرضائی ہویا‘ اسیں ملک وچ میرٹ دا نظام لیاواں گے۔

اوہناں نے اج اپردیر وچ جلسے نال خطاب کردے ہوئے آکھیا کہ آن والے دناں وچ نواں پاکستان نوجواناں لئی بناواں گے۔

قوم نوں اک عظیم قوم بناواں گے۔ عمران خان دا اپنے خطاب دوران کہنا سی کہ اللہ دی برکت کدی اوس قوم اُتے

نہیں آؤندی جہدے وچ ناانصافی ہوندی اے۔

عدل تے انصاف دے نظام والے ملکاں وچ اللہ دی برکت آؤندی اے۔ دور نبوتﷺوچ امیر تے ماڑیاں، دوواں لئی اک قانون سی۔

اجیہا قانون جہدے وچ کسے نوں سزا ملے تے اوہ ایہ نہیں آکھدا سی کہ ’مجھے کیوں نکالا‘۔ نبی پاک ﷺنے فرمایا سی کہ اوہ قوماں تباہ ہو گئیاں جتھے امیر تے غریب لئی قانون وکھ وکھ سن۔

عمران خان دا کہنا سی کہ ایتھے نِکے چور جیل وچ جاندے نیں جدکہ وڈے چوراں دا پروٹوکول نال احتساب کیتا جاند ااے۔

سبھ توں وڈے ڈاکو مجرم زرداری تے نواز شریف نیں۔ 2008وچ ہر پاکستانی اُتے 35ہزار دا قرضا سی، جدکہ ہن ہر پاکستانی اُتے اک لکھ 20ہزار رُپئے قرضا اے۔